أفضل 10 أفلام رعب لازم تشوفها الآن
أفضل أفلام الرعب هي اللي تعلق ببالك. تلحقك من السينما إلى البيت. هم وراك خطوة بخطوة وأنت تمشي لوحدك في الليل...تتلفت يمين يسار, تخاف من كل صوت مفاجئ. هي اللي تلقى طريقة تجذب انتباهك. تكون في البيت فجاءة بعدها محبوس في القبو و من غير أي سابق إنذار تكون بوسط الغابة بدون مخرج..هذي التجربة هي اللي تخلينا نتابع أفلام الرعب! نبي نناظر الاشباح بدون عواقب!
عشان كذا شغل الانوار و قفل الباب و جمع كل شجاعتك لأننا بنواجه الآن أفضل أفلام الرعب!!
10. فيلم The Conjuring (2013)
جيمس وان (James Wan) هو واحد من أكثر صناع أفلام الرعب الموثوقة اليوم. أسلوبه مو جذري بالنهاية ما اخترع العجلة, مافي شيء جديد في بيت مسكون كلنا عارفين السالفة. و لكن James Wan أخذ الشيء الناجح بفكرة البيت المسكون و بدع فيThe Conjuring. المميز بالفيلم هو التسلسل التشويق. قدر Wan يطلع لحظات مألوفة لنا و لكن بنفس الوقت جديدة, يخليك تركز بالنقطة معينة حتى يقدر يرعبك في نقطة ثانية.
واحدة من مميزات الكاميرا المحمولة إنها تعطيك شعور الواقعية, و ايضاً يتم تنسيق حركة الكاميرا حتى تكون في المكان المناسب و الوقت المناسب. يعتبر أسلوب Wan للرعب أكثر كلاسيكية من الحديث. وأكثر عنصر واضح يستخدمه Wan هو التأثيرات البصرية العملية.
9. فيلم The Witch (2015)
واحد من الأشياء اللي خلت الفيلم رهيب هو دقة التصوير و جودتها. يا ما عرفنا أفلام الرعب بلقطات فوضى, وهنا جاء روبرت إيجرز و قدم لنا حركات كاميرا مدروسة و هادفة. فيها يذكرنا إنه جمال تكوين اللقطة والإضاءة المدروسة يقدر يكون مرعب!
يعتبر فيلم The witch واحد من أفضل أفلام الرعب لانه يخلينا نخوف أنفسنا, ليه؟ لإنه يعطينا شعور اللي فيه شيء يخوف جاي و يقنعنا بهالشيء. بالضبط نفس شعور عائلة ويليام بالفلم, بذرة شك مزروعة فيهم. الفيلم عبارة عن غزو للنفس ببطء شويه شويه إلى ما ينزرع فيك الخوف..
8. فيلم The Strangers (2008)
البيت إذا ما كان آمان فيه، فأنت مو آمن في أي مكان ثانية. هذي فكرة تخوف! وفيلم The strangers يفهم هالشيء و يخلينا نفهم هالشيء بعد.
السبب اللي يخلي هالفيلم رهيب هو الحوارات, لما سألت كريستين الدخيل وش السبب, رد و قال: "لأنك كنتي في البيت".
المسألة ماهي إنتقام ولا حتى سبب مالي مافي ولا سبب لهذا الكابوس, أي بيت هو الهدف حتى بيتك..
7. فيلم The Haunting (1963)
في راوية The Haunting of Hill House لشيرلي جاكسون تم تبنيها عدة مرات منذ نشره في عام 1959. و مؤخراً حولتها Netflix إلى مسلسل. في عام 1999، تم تحويلها إلى فيلم مخيب للآمال من بطولة ليام نيسون. لكن في عام 1963، أخرج روبرت وايز نسخة لازلت مرعبة حتى اليوم.
مثل بعض الأفلام الثانية في هذي القائمة، جعل وايز المشاهدين هم اللي يخوفون أنفسهم. تم تصوير الفيلم بالأبيض والأسود باستخدام عدسات تجريبية بزاوية عريضة, و أخرجت هذي العدسات مشاهد مشوهة تناسب موضوع الفيلم. كان أسلوب وايز في الرواية الأصلية هو إنه يخلي المشاهدين يشكون. هل هيل هاوس مسكون صدق أو أن كل شيء في عقل إليانور (جولي هاريس) ؟
6. فيلم The Babadook (2014)
فيلم عن قصة خيالية سوداء عن الخسارة وكيف نعالجها. دراما عائلية عن أم وابنها مقدمة كفيلم رعب.
5. فيلم Paranormal Activity (2007)
استخدم أورين بيلي بيته الخاص، بميزانية قدرها 15000 دولار، وكاميرا فيديو منزلية وتم تصويرها لمدة أسبوع. اشترت باراماونت حقوق التوزيع مقابل 350 ألف دولار، وحقق الفيلم ما يقرب من 200 مليون دولار في شباك التذاكر الأمريكي. و يعتبر واحد من أكثر الأفلام المستقلة ربحية في التاريخ.
4. فيلم [REC]
لما يبدأ تصوير الليلي ما نقدر نشوف إلا النور البسيط و أغلب الشاشة ظلام و التوتر يعم الجو, هنا يبدأ الرعب. أداء مانويلا فيلاسكو في دور أنجيلا الرهيب اللي يخلينا على أعصابنا! فيلم رائع!
3. فيلم The Texas Chain Saw Massacre (1974)
هذا الفيلم عبارة فوضى. فيه عدد قليل جداً من وسائل الراحة في كابوس توب هوبر الريفي. و تنقصه العديد من العناصر اللي تخلي تجربة التصوير ممتعة. بس ما تحس إنه فيلم أبداً وهذا اللي يخليه واحد أفضل الأفلام المخيفة!
2. فيلم The Blair Witch Project (1999)
في عام 1999 موقع على الإنترنت يحكي قصة 3 صناع أفلام مفقودين, كانوا يعملون على فيلم وثائقي عن ساحرة بلير و أختفى اثرهم. بعد أشهر تم العثور على لقطاتهم.
ممكن تكون حركة "اللقطات اللي تم العثور عليها" مستهلكة في عالم الأفلام, لكن كان شيء جديد قبل 20 عامًا. و حاول الكثير من صناع أفلام الرعب يسوون نفس الأسلوب لكن قليل مره نجح. الفيلم يعتبر من أفضل أفلام الرعب لإنه يخليك تحس إنك مع مايك و جوش و هاثير في الغابة.
- فيلم The Exorcist (1973)
شيء مو غريب إنه هو الفيلم اللي تصدر رقم 1. يعتبر من أكثر الأفلام رعب و أفضلهم! في حال ما شفته ما راح احرق عليك القصة بس كل اللي أقدر أقوله أتمنى تقدر تنام بعده..
أفلام الرعب لها جوها الخاص, مرات تناظرها مع أصحابك و صرخة صاحبك هي اللي تخوفك و مرات الجو نفسه يروع. القائمة عندك باقي تجيب المفرحات و تفتح الانوار عشان ما تتخيل أشياء بالزاوية "بسم الله"..و شغلل الفيلم!
و لا تنسى تحلل التصوير و الفكرة ممكن تلهمك في صناعة فيلمك القادم!