فن اللقطات المتوسطة في صناعة الأفلام

اللقطات المتوسطة تعتبر من أكثر اللقطات إستخداماً في الأفلام و نقدر نقول مو الكل يعطيها الاهتمام الكافي و التقدير..اليوم راح نعطيها هالاهتمام!

طيب لحظة وش هي اللقطات المتوسطة بالضبط؟؟

اللقطات المتوسطة هي في الغالب اللي تصور الشخص من الخصر إلى الرأس, و تعتبر طريقة ممتاز تلقط فيها تعابير الممثلين و أدائهم! و فيه منها أنواع كثيره مثل لقطتين المتوسطة و اللي هي شخصين في لقطة متوسطة. عندنا كمان لقطة كاوبوي شوت (Cowboy shot) وتكون اللقطة من الرأس إلى حامل المسدس (نص الفخذ).

هدف اللقطات المتوسطة:

• عرض مشاهد و أزياء مهمة.
• تعتبر لقطات مكملة عند الانتقال بين اللقطات المنفصلة خلال المشهد.
• تعرض مشاهد غير رسمية و كوميدية.

اللقطات المتوسطة حلوه لمشاهد الحركة و الكوميدية و كمان للمشاهد اللي نحتاج نشوف فيها لغة جسد الممثلين. و غالبًا ما تُستخدم اللقطات المتوسطة لتصوير مجموعات من الناس و صور الخلفية و لقطات لها علاقة بالمشهد.

لما ينعرض لك مشهد بتصوير اللقطة المتوسطة مايكون تركيزك على شيء واحد محدد, تقدر تشوف الأداء و لغة الجسد و الخلفية و كل شيء. مثل في فيلم The Hunger Games هنا:

لقطتين متوسطة – The Hunger Games

نقدر نشوف كيف استخدم صانعي الفيلم اللقطة المتوسطة حتى يبان لنا الارتباك في الحدث وكيف تم تصوير الممثلين في لقطة واحدة حتى نفهم خطورة الوضع في المشهد. في هذا المشهد نشوف كيف الكابيتول يبي يقلب كاتنيس و بيتا ضد بعض, و عن طريق تصويرهم في لقطة واحدة نشوف علاقتهم القوية و بعدها ننتقل إلى اللقطة المقربة.

بعد الانتقال إلى اللقطة المقربة نقدر نشوف مشاعر الشخصيات لما أدركوا إنهم لازم يقاتلون بعض. و هنا صارت اللقطة المقربة أقوى بسبب اللقطة المتوسطة قبلها.

تذكر أن لقطاتك المتوسطة تقدر تعرض الممثلين بأحجام و لقطات مختلفة في أجزاء مختلفة من الإطار. وبس لإنه واحد من الممثلين في لقطة متوسطة ما يعني أن شخص ثاني ما يقدر يكون في لقطة مقربة أو لقطة كاملة.

كيف ممكن نستخدم اللقطات المتوسطة؟

تقدر تستخدم اللقطة المتوسطة لتوفير مقياس بين الشخصية ومحيطها. ايضاً استخدامها في إعطاء منظور أكثر حميمية للمشهد مع عرض بعض التفاصيل بشكل اوسع...

مثل في فيلم Jurassic Park

للوهلة الأولى، تشوف الموضوع متعلق بعرض الشخصيات على أنها ضائعة في الغابة وتصوير المشهد أمامهم من الخصر إلى الأعلى.

لكن بعد مانركز نشوف إن هذه اللقطة المتوسطة فعالة مره في عرض وش مروا فيه هالشخصيات..كيف ؟

لإنه نقدر نشوف من جروحهم و ملابسهم إنهم شافوا مصايب!

في لقطة واسعة كنا نقدر نشوف أنهم ضايعين في الغابة، بس ماراح نقدر نشوف التفاصيل عليهم. و في لقطة القريبة، التفاصيل بتبان، لكن بنخسر الصورة الكبيرة. و هنا تجي المنقذة اللقطة المتوسطة تعطينا شوية من كل شيء.

مع اللقطة المتوسطة تأخذ من كل حتة شوية ,مثل ما تقول هانا مونتانا "You get the best of both worlds" (تحصل على الأفضل من العالمين). بالنهاية أعتبر نفسك مشاهد هل تقدر تفهم مشهدك بس من خلال اللقطة المقربة؟ أو تحتاج اللقطة المتوسطة؟ أي نوع لقطة بيحمس المشاهد؟ بضيعه؟ بيحوم كبده و يقفل الفيلم(إن شاء الله ماتصير لك)؟؟

كل اللي عليك تفهم مشهدك و أنواع اللقطات عشان تقدر تقرر و تطلع فيلمك بشكل رهيب.