قواعد الكتابة

فن راوية قصتك: قواعد للكاتب 

لما تكتب قصصك لازم تكون شخص منظم. التنظيم راح يساعد تتخطى الأوقات الصعبة و المتعبة. و لا ننسى إن الرفض شيء يصير لأغلب الكُتاب, فحاول تتعلم كيف تتقبله بتوازن و تصير متواضع عشان تقدر تطور من قصصك. و خلي دائماً بداخلك شغف و إبداع يخليك تستمر بالكتابة.

راح نذكر بعض من القواعد للكتابة:

• لازم تكتب.
• لازم تنهي ما كتبته.
• أرسله لشخص يقدر ينشره.
• لا تعيد الكتابة ما عدا التعديلات.
• لما تنرفض من شخص, أرسله لشخص ثاني.
• أبدا أكتب القصة الثانية, لا تنتظر تنقبل. 

حط في بالك مرحلة الكتابة هي مرحلة شخصية, بالنهاية كل شخص مختلف عن الثاني. مو كل شيء تكتبه بيكون رهيب, قصصك بتتطور مع الوقت و كل وحده بتصير أحسن من اللي قبلها. مو لازم تجبر نفسك تنشر كل شيء تسويه و تضغط على نفسك بعض الأشياء بتبقى للأبد لك بس, لكن لا تخليها كلها. 

كل كاتب له طقوسه الخاصة بالكتابة. الكاتبة هيلاري مانتيل كانت تختفي لشهور عشان تكتب, مايا أنجليو كانت تحجز غرفة بالفندق بعيد عن الازعاج و بعض الكُتاب كانوا يكتبون بوسط الإزعاج. السؤال هنا أنت وش طقوسك؟

 حاول تكتشف طقوسك الخاصة الي تخليك تبدع و المكان اللي يكون مصدر للإلهام لك. 

"ككاتب راح يجيك الرفض دائماً وهذا شيء طبيعي." -نيل جايمان. الرفض هو جزء من كونك كاتب, أعمالك و قصصك راح تنرفض و هذا راجع لسببين: 1. مالقيت الشخص (الناشر) الصح الي يفهم قصصك, 2- تحتاج تطور كتاباتك. كل هذا مو شيء سيء بس لازم تعرف وش المشكلة عشان تقدر تعدلها. مسلسل Stranger Things انرفض 12 مره قبل يقبلونه و شوف كيف نجاحه الحين. لا تخلي الرفض يدمرك و يحبط تعلم تتقبله, و لما تشوف إن الرفض أحبطك خلي عندك روتين و ألتزم فيه و أستمر عليه. بالنهاية راح تقدر تكتب قصة الكل يتكلم عنها و منبهر فيها.