كيف تجد أسلوبك
فن راوية قصتك: كيف تجد أسلوبك
أسلوب كتاباتك هو الي يخلي أي احد يقرأ نص من صفحه و يعرف إنه أنت من كتبها. أعرف كيف تطور من صوتك و تتغلب على خوفك من إنك تغلط.
ككاتب في بداية مسيرته فكرة إنك تلقى صوتك و أسلوبك شيء كبير, تبي تتعرف على أسلوبك بس حتى الان مو عارف. في اقتباس لجيري غارسيا: "الأسلوب هو الأشياء التي تخطئها". لو مثلاً كنت تعزف القيتار بشكل مثالي ما راح يكون فيه أسلوب.
ابدأ بالتقليد
في البداية بتكون نفس الكل من ناحية الصوت و أسلوب, بتشوف أصوات كتَاب تحبهم و تعجبك و تحاول تسوي مثلهم, هذي هي بداية كل كاتب. لإنه في البداية مو ضروري تسوي كل شيء صح, لازم تغلط و تتعثر. أهم شيء إنك تكتب إلى أن تبدأ كتاباتك تكون بأسلوبك الشخصي. صوتك موجود بداخلك كل الي عليك إنك تستمر بالكتابة.
ابدا اكتب و أخطئ
الأخطاء من الأشياء المهمة للكاتب. و كيف تلقى أخطاءك؟ بإنك تكتب. مرحلة إن تألف شيء هي مرحلة أكيد بيكون فيها أخطاء و راح تجرب أشياء ما راح تضبط وهذا يعتبر مهم. تشاك جونز قال: "في قلمك مليون رسمة سيئة و مهمتك كفنان إنك ترسمهم حتى تستطيع الرسمات الجيدة أن تخرج." ككاتب مهمتك إنك تكتب الكلمات و تخطأ حتى تستطيع الكتابات الرائعة أن تظهر. إذا تبي تكتب فيلم يحصل على جوائز راح تكتب أفلام فاشلة قبلها و هذا شيء طبيعي. و بعد ما تكتب 10الاف, 100ألف كلمة, مليون كلمة راح تلقى أسلوبك.
أنهي ما بدأت
كل شيء تسويه ككاتب مهم عشان تلقى أسلوبك و لكن أهم شيء هو الكتابة. هو أكثر شيء راح يعلمك مين انت. بتشوف التطور لما تبدأ تنهي قصصك, راح تتعلم أكثر من إنهاء الفشل أكثر مما تتعلمه من كتابة النجاح. و تتعلم أكثر إنك تنهي كتابة شيء سيء أكثر من أن تكتب شيء رائع و توقف.
إكتشاف صوت للقصة
لما تحاول تبدأ مشروع جديد و تبي تكتشف الأسلوب الخاص له, أجلس و فكر قبل تبدأ تكتب وش هي أكثر الأشياء المهمة للمشروع؟ هل بيكون من منظور الشخصية الرئيسية أو أطرف أخرى؟ مين قاعد يقول القصة؟
كتب نيل جيمان أول فصل من American Gods من منظور شخص أول. و لما وصل إلى نهاية الفصل أكتشف أنه ما نجح في إختياره. وقتها وقف و بدأ يسأل اسئلة على نفسه ليه ما ضبط؟ لإنه كان في داخل عقل الشخصية هو منغلق عاطفياً عن القارئ. نيل كان يبي يكتب من البداية إنه شخص مسجون و منغلق عاطفياً و بعدها يتكشف إنه زوجته توفت و يتحول إلى شخص فاقد الإحساس و ميت من الداخل والكتاب بيكون اكتشافه لنفسه. من الموت إلى الرجوع. كتب نيل أغلب الكتاب بشفافية, كان يبي يكون الكاتب غير مرئي, فيه راوي لكن يختفي في النص.
حاول تقرر قبل الكتابة مين تبي يروي قصتك كيف بيكون صوته؟
في النهاية الكتابة بتكون مليانه اخطاء بس عط نفسك الفرصة تخطئ عشان تتطور. صح الموضوع بيخوف في البداية حاول تكمل و ما توقف. أدرس اخطاءك و تعلم منها و أسال نفسك أسئلة ، وقتها راح تبدأ تكتب كتابات رائعة.