كيف يصورون تحت المطر

تعلم كيفية الاستعداد للتصوير تحت المطر

مع بداية الشتاء و الأجواء الحلوة و الأمطار يبدأ يجيك الإلهام للأفكار رهيبة ممكن تكون وحده منها تحت المطر مشهد تلقط فيه جمال المطر مع إبداعاتك.

كصانع أفلام تقدر تشوف إن المطر يضيف إضافة دارمية للمشهد. لكن تصوير مشاهد المطر ممكن تكون صعبة، و اليوم راح نعطيك دليل عن كيفية الاستعداد للتصوير تحت المطر في عدة نقاط.

1. لا تصور تحت ضوء الشمس.

نور الشمس القوي في وقت المطر هو شيء طبيعي لكن نادراً تلقى نور قوي وقت المطر. الغيوم و الجو المعتم هو بالعادة يكون الأنسب لمشاهد المطر الصناعي. المشاهد لما يبدأ يتسائل عن كيف صار كذا و يتعجب يخرج عن متعة المشاهدة و يخرج من الانسجام في الحدث.

1. التخطيط والاستعداد.

مشاهد المطر تحتاج تخطيط و استعداد من قبل مع فريق الإنتاج. موقع التصوير يحتاج تدرس الضوء فيه ولازم فريق الانتاج يفهم عن طريق تصويره و يتم أيضًا تحديد مواقع الكاميرات توقيت تواجد ضوء الشمس في هذي المواقع على مدار اليوم حتى يتم مناقشتها مع الفريق. و الفكرة هنا هي تجميع اللقطات الواسعة لما ما يكون نور الشمس قوي و أفضل الاوقات لتصوير هي بداية الصباح او قبل الغروب حتى لا يكون نور الشمس قوي.

1. الاستعداد للتصوير اللقطات الواسعة.

بطبيعتها هي الاصعب في التجهيز و خاصةً مع المطر. و خطاء كبير بقعون فيه صناع الافلام هو لما يصير مطر أمام الممثلين و لا تمطر خلف الممثلين. عشان ضبط اللقطة الواسعة بحتاج منصات مطر أكثر مثل الي تكون من خراطيم الإطفاء حتى تغطي المقدمة و الخلفية. لكن في مشكلة لو تبي تصور المشهد بداية الصباح، لإنه بتحتاج تجهز موقع التصوير الفجر في الظلام و هو شيء ممكن لكن صعب. عشان كذا تحتاج تتأكد إنه عندك الفريق كامل جاهز و الاعدادات كلها جاهزة قبل ما تشرق. و هذا يعني لازم تجهز لقطات التصوير من قبل و تعرفها كويس.

1. خطط أحجام لقطاتك.

لازم تخطط لقطاتك المتوسطة و الواسعة بشكل دقيق و السبب ممكن يكون ضيق وقت التصوير

1. خليك مبدع مع منصات المطر

عشان تصور مشاهد المطر راح تحتاج معدات للمطر مثل خراطيم الإطفاء و الحدائق و اجهزة ضخ الماء

منصات المطر للخلفية.

و ممكن تستخدم مثل مضخة في اماكن متنوعة داخل موقع التصوير

منصات المطر للمقدمة.

و غالبًا منصات المطر الكبيرة أصعب للأستخدام. فالخيار الأسهل هو ابراج المطر (Rain tower) او عصا المطر (Rain wand) للقطات البسيطه.

1. نور المطر بشكل صحيح.

في مقولة: ( لازم تضيء المطر و لا ما راح تشوفه). مع التصوير الرقمي اللي تشوف بالشاشة هو اللي يطلع لك بالنهاية

و راح يكون واضحه لك النتيجة فحاول تكون منتبه مع نتيجة التصوير.

إذا راح تضيء خلفية المطر لازم:

• ما تكون الاضاءة قوية جدا او خفيفة جدا.
• لا تخلي الاضاءة قريبة من الإطار.
• خل الاضاءة بعيدة عن الممثلين حتى مايصيرون كأنهم واقفين بالشمس.

1. أعرف مصدر الماء و كيف تتحكم فيه.

الصنابير عندها مصدر للمياه مستمر و تولد ضغط للمياه. لكن يحتاجون تصاريح تأكد إنها تكون عندك.

شاحنات المياه وحده من مميزاتها قدرتها على الانتقال من موقع تصوير إلى أخر، لكن لازم تعبئها قبل الانتقال.

منصات المطر للمقدمة.

1. حاول تخلي كل شيء يبان حقيقي.

لما تمطر تكون السيارات عليها مطر و الشوارع مليانه موية و المباني عليها قطرات مطر و الأشجار خضراء و عليها قطرات مطر.

حاول تخلي موقع التصوير يبان حقيقي. تقدر تسوي كذا بإنك تمر على موقع التصوير

بشاحنة مياه حتى تغطي الموقع ماء قبل بداية تصوير المشهد.

في النهاية التصوير تحت المطر يحتاج تخطيط و فهم للموضوع اعدادات المطر للتصوير و أجهزتها لكنه غير مستحيل. و لا تنسى تحافظ على كاميرات من المطر.