من الفكرة إلى القصة

عام اخر تعديل:


فن راوية قصتك: من الفكرة إلى القصة 


كيف تقدر تحول فكرتك إلى قصة؟ 

كل قصة داخلها فكرة, الفكرة هي الأساس الي تخليك تبدأ تكتب من البداية. و راح تكتشف إن الفكرة تتطور مع الوقت. نيل جيمان لما قرر يكتب عن Neverwhere كانت فكرته المبدئية عن عالم تحت مدينة لندن و مع الوقت صارت الفكرة عن التشرد و الغير مرئيين. ممكن يكون صعب تلقى فكرة رائعة و جديدة بس حاول تفكر بإهتماماتك و المواضيع الي تهمك. وقتها تبدأ تترابط الأفكار و تنتج شيء رهيب! حاول تكتب فكرة عامة عن قصتك, لا تركز على التفاصيل, التفاصيل بتجي مع الوقت. 


  • وبعدين وش يصير؟ 

" وبعدين وش يصير؟ " يعتبر سؤال مهم. من المهم إنك تجذب القارئ عشان يكمل قراءة القصة." -نيل جيمان. حاول تخلي المشاهد/القارئ يهتم لقصتك و يتسائل وش راح بيصير بعدين؟ مين هذي الشخصية وش قصتها؟. قبل كل هذا لازم أنت تهتم وش بيصير للشخصيات و القصة, لإنه إذا انت ما اهتميت ما راح أحد يهتم. 


  • أكتب كل شيء ببالك

جب ورقة و قلم و أكتب كل شيء يجي على بالك من فكرة إلى احداث و تفاصيل حطها كلها في الورقة. في مرحلة كتابة المسودة عقلك راح يلاحظ الروابط بين الأفكار و الشخصيات و تبدأ ترتبط الخطوط ببعضها. 

القصص تبدأ بفكرة, ممكن تكون هالفكرة بسيطة مثل شعور أو نهاية قصة او بدايتها. كل الي عليك تسأل نفسك هل هذا يكفي لقصة كاملة؟ النهاية وش صار قبلها؟ خلك عندك فكرة عامة مو شرط تعرف كل القصة من البداية. بس لازم تبقى تسأل نفسك طول مرحلة الكتابة أسئلة عشان تكتشف.


  • وش موضوع قصتك؟

عن ايش تبي قصتك تتكلم عنه؟ ايش تبي تقول للشخص الي قدامك؟ وش رسالتك؟ 

نيل جيمان في Neverwhere مثل ما قلنا في البداية كانت فكرته عن عالم تحت مدينة لندن و بعدها قرر الموضوع يكون عن التشرد و الناس الغير مرئيين. كان هدفه إن القصة تكون مغامرة بس لما القارئ ينتهي من قراءة الكتاب يوقف و يبدأ يلاحظ المتشردين ويشوفهم كبشر. 

إذا تبي تكتب شيء لازم يكون عندك موضوع أو فكرة تبين تقولها. فكر للحظة ايش تبي تقول للقارئ؟




  • اكتب عن خلاف بين الشخصيات 
  • حاول ما تتجنب الخلافات و الصراعات بالقصة, عط القصة مثل ما نقول شوية أكشن. أكتب عقبات للشخصية خلها تنجح أو تفشل. تقدر تألف حبكة ما احد توقعها و تغير مسارات القصة, و تخلي الأوضاع أسوء. لازم تعطي القصة حبكة تخليها تكمل للنهاية.


    • ايش تبي الشخصيات؟

    لما تكتب القصة و تفكر بالشخصيات فكر مين هم؟ وش قصتهم؟ وش يبون؟  

    وش الشخصية تبي؟ هذا السؤال الي ممكن يساعدك تكمل قصتك لما تعلق. مرات اللي تبيه الشخصية راح يفاجئك مو دائم يبون الفلوس مرات يبون يكبرون و يتعلمون أو ينقذون أصحابهم أو الحب أو السعادة. و دائماً حط في بالك الشخصيات دائماً يجيها الي تحتاجه مو اللي كانت تبيه. 


    تحول فكرة إلى قصة هو رحلة, حاول إنك تكمل و تكتشف الأشياء على طول الطريق. الأهم أنك تكتب و تبقى تسأل نفسك اسئلة عشان تقدر تكتشف القصة بالكامل.