وصف القصة

عام اخر تعديل:

فن راوية قصتك: وصف القصة


يعتبر وصف التفاصيل شيء مهم لنجاح القصة: و أفضل طريقة عشان تخلي التفاصيل هذي ملموسه للقارئ هي جذب حواسه. و راح نذكر بعض الطرق اللي تساعد في وصف القصة.




 ركز على التجربة الحسية لشخصيتك: استخدم أقوى حاسة للمشهد. إذا كانت شخصيتك تحت الأرض في المجاري، راح تكون حاسة الشم تعبر أكثر من البصر.


أختار تفاصيل تعلق ببال القارئ: الكل يعرف شكل الشجرة، عشان كذا أوصفها بشكل مميز أو اشرح ليه هي مهمة لشخصيتك.


دور عن الشعور في المشهد: مرات يكون الوصف بدون إحساس و جاف، بس إذا كان فيها مشاعرك أو مشاعر لشخصياتك، فحاول إنك تحسس القارئ بهذا الشيء و تخليه يندمج معاك. 


خل وصفك يُعبرعن أكثر من شيء: أنت مو جالس بس توصف الشجرة, أنت جالس تطور القصة و تخلق حس بالندم و تطور الشخصية اللي تناظر الشجرة. 


لا توصف كل شيء: حاول تخلي القارئ هو اللي يتخيل المشهد.


حاول ما تقول كل شيء مره وحده: أكشف المعلومات شويه شويه, كذا راح تجذب القارى و تخليه يتسأل.


أكتب المشهد في وسط الاكشن: لما تكتب المشهد في وسط الاكشن راح يجذب أنتباه القارئ و بعدها أبدا بكتابة تفاصيل الحدث بعدها.


أوصف المشهد من منظور شخصيتك: تخيل إن أنت الشخصية كيف بتشوف العالم من عيونها, كذا راح يكون للوصف واقعية أكثر.



تمرين كتابي:

جب ورقة و قلم و أكتب أشياء تشوفها تعصبك و تنرفزك, أكتب قائمة كاملة. بعدها في ورقة ثانيه أكتب مشهد لشخصيتك تتضمن هالأشياء, أوصفها بالحواس الملموسة و الحسية. و بعد ما تخلص شوف هل كان أفضل تقلل من التفاصيل أو تحط معلومات أكثر.