مواقع موسيقى لصناعة الأفلام وفيديوهات السوشال ميديا
اذا تبي تسوي فيديو ولا فيلم ترا الموسيقى اللي تحطها تلعب دور كبير في تحديد الجو والإحساس.
فيه كثير مواقع تعطيك موسيقى ببلاش أو باشتراكات مدفوعة، بس اليوم بنقول لك عن أفضل موقع للموسيقى اللي تقدر تشترك فيها وتستفيد منها لصناعة أفلامك وفيديوهاتك بشكل محترف.
1. (Artlist)
آرتلست من أهم المصادر للموسيقى التصويرية. عندهم شراكة مع آرتجريد للقطات الجاهزة.
اللي يميز آرتلست:
- - تقدر تدور وتلقى اللي تبغاه بسهولة حسب المزاج ونوع الفيديو والستايل.
- - عندهم مكتبة موسيقية ضخمة مع مؤثرات صوتية وتعليق صوتي بالذكاء الاصطناعي.
2. (Epidemic Sound)
إبيديميك ساوند تعتمد على الفنانين نفسهم في تصنيف الموسيقى، وهذا يخلي الموسيقى عندهم متنوعة ومرة زينة.
اللي يميز إبيديميك ساوند:
- - طريقة البحث عندهم تعتمد على كيف الفنانين وصناع المحتوى يستخدمونها.
- - تلقى عندهم موسيقى مشهورة عالمياً.
3. (Audiio)
أوديو من المواقع الحلوة لصناعة المحتوى، خاصة إذا تبغى خصائص متقدمة في البحث والتعديل.
اللي يميز أوديو:
- - فيه خاصية اسمها "الموسيقى المستقبلية" تدور لك عن موسيقى شبيهة لأي مقطع يعجبك من سبوتيفاي أو تيك توك أو يوتيوب.
- - تقدر تلقى الموسيقى اللي تبغاها بسرعة وسهولة.
4. (Envato)
إنفاتو مشهور بالمكتبة الكبيرة حقته في الصوتيات ويغطي كل شي حتى الأكابيلا.
اللي يميز إنفاتو:
- - بعض المقاطع تجيك بكذا نسخة مثلا ١٥ ثانية و ٣٠ ثانية وبعد اكثر من دقيقة
- - موقع إليمنتس عندهم يعطيك اشتراك شامل في الموسيقى والمؤثرات الصوتية والجرافيكس والعروض والصور والخطوط.
- - يناسب أي نوع إنتاج، سواء فيديو ولا فيلم ولا عرض تقديمي.
5. (Soundstripe)
ساوندسترايب مشهور بقوته في إعطاء الموسيقى بشكل يسمونه Stems، يعني كل آلة أو إيقاع يكون مقطع لحاله.
اللي يميز ساوندسترايب:
- - تقدر تتحكم في كل تراك لحاله وتعدل اللحظات والقوة بكل سهولة.
- - أول موقع قدم خدمة Stems، وبعدين جت مواقع ثانية سوت نفس الشي.
- - مناسب للي يسوون أفلام وفيديوهات ويبغون حرية كاملة في تعديل الموسيقى على كيفهم.
الأسعار:
كل موقع له أسعار مختلفة حسب نوع الاشتراك والخدمات:
- - آرتلست: الاشتراكات تبدأ من 10 دولار في الشهر وتوصل لـ 40 دولار في الشهر.
- - إبيديميك ساوند: الاشتراك الشخصي يبدأ من 10 دولار في الشهر، والتجاري من 24 دولار في الشهر.
- - أوديو: الاشتراك السنوي يبدأ من 15 دولار في الشهر، وفيه باقة سنوية بـ 500 دولار، أو باقة تدفعها مرة وحدة بـ 200 دولار.
- - إنفاتو: الاشتراك في إنفاتو إليمنتس يعطيك كل شي، والاشتراك الشهري تقريباً 33 دولار.
- - ساوندسترايب: الاشتراكات تبدأ من 12.50 دولار في الشهر وتوصل لـ 19.99 دولار في الشهر حسب الباقة.